Nova velada na noite de churruca para despedir o verán. Suben os nosos amigos BAJO CONTROL dende Madrid para presentar o seu novo traballo “Libres de Drogas” que coma se intúe polo título traen un Hardcore Straight Edge á vella escola con forte carga política para fans de Floorpunch, Chain Of Strength, The Rival Mob e Boston Strangler.

Veñen acompañados polo trio fastcore de Nigrán KUMA que seica tocan moi rápido ao estilo de Dropdead ou Siege.

Abrirán a noite DERRADEIRO NÍVEL, sangue straight edge nova dende a Galiza que debutaron recentemente e voltan a por máis.

Se che mola o estilo de bandas que saíron por Trustkill e Victory Records fai 20-25 anos, isto é o teu.