Michu da Rocha
Michu levará ao directo a súa banda (Javier Álvarez, Juan Pacheco e Luisma Taboada), formato preferido polo público, no que se atopa o son principal do proxecto, puidendo baleirar toda a enerxía, diversión, entretemento e presión sonora en forma da súa música que ten un marcado carácter daquel rock n’ roll dos anos 60 con toques de surf, funk e podendo chegar as veces a ser tan sucia como o garage, para que a audiencia poda agochar os pensamentos propios e disolver angustias en suor.

Pola parte dos do Grove, os ‘Freshkiños’ son catro talentos desta localidade do Salnés que se xuntaron para ser un “jrupiño de anti-artistas in-fusión meco-soul-in-dependiente” e prometen deixalo todo no palco nesta noite de música das Rías Baixas.